مکہ: حرم شریف میں تعمیراتی کام کے دوران کرین گرنے سے 87 عازمین حج شہید جب کہ متعدد زخمی ہوگئے۔
عرب میڈیا کے مطابق حرم شریف میں تعمیراتی کام کے دوران کرین گرنے سے 87 عازمین شہید اور متعدد زخمی ہوگئے۔ خبر ایجنسی کے مطابق حادثہ مکہ معظمہ میں طوفانی بارش کے باعث پیش آیا، حرم شریف میں نماز مغرب کے اوقات میں طوفانی بارش جاری تھی کہ اس دوران تعمیراتی کام کے دوران کرین گر گئی، حادثے کے بعد فوری طور پر امدادی کارروائیاں شروع کردی گئیں اور زخمیوں کو فوری طبی امداد کے لیے اسپتال منتقل کیا گیا۔
عرب میڈیا کے مطابق مکہ کے تمام اسپتالوں میں ایمرجنسی نافذ کردی گئی ہے جب کہ بیشتر زخمیوں کی حالت تشویشناک ہے جس کے باعث شہادتوں میں اضافے کا خدشہ ہے۔ میڈیا رپورٹس کے مطابق حادثہ صحن حرم میں صفا کے باہر کے حصے میں پیش آیا اور اس دوران آسمانی بجلی بھی گری جب کہ حادثے کے وقت خانہ کعبہ میں 30 ہزار عازمین موجود تھے۔
دوسری جانب وزیراعظم نوازشریف نے کرین حادثے پر افسوس کا اظہار کرتے ہوئے شہید افراد کے بلند درجات کے لیے دعا کی ہے جب کہ وزیراعظم نے سعودی عرب میں تعینات پاکستانی سفیر کو زخمیوں کی عیادت کرنے کی بھی ہدایت کی ہے۔
ادھر وزارت مذہبی امور کے ترجمان کا کہنا ہے کہ حادثے میں کسی پاکستانی شہری کے شہید یا زخمی ہونے کی اطلاع نہیں تاہم اس سلسلے میں سعودی عرب کے حج مشن سے مسلسل رابطے میں ہیں۔ ترجمان کے مطابق وزرات میں ہنگامی کال سینٹر قائم کردیا گیا ہے جس کے ذریعے معلومات کے لیے 8001166622 اور 042111725425 پر رابطہ کیا جاسکتا ہے تاہم مکہ مکرمہ میں خراب موسم کے باعث موصلاتی رابطوں میں تعطل ہے۔
VIDEO: #Makkah Tragedy
Posted by Saudi Gazette on Friday, September 11, 2015
VIDEO: #Makkah Tragedy
Posted by Saudi Gazette on Friday, September 11, 2015
VIDEO: Due to heavy rain in Makkah a crane fell on the pilgrims in Haram causing heavy casualties on Friday evening. — Courtesy Social Media
Posted by Saudi Gazette on Friday, September 11, 2015
Source: Express News , Saudi Gazette
Post a Comment